Қазақстан Республикасының Тәуелсіздігіне 30 жыл толуына орай «Ойл Транспорт Корпорейшэн» ЖШС спартакиада өткізді

«Ойл Транспорт Корпорейшэн» ЖШС (бұдан әрі — «ОТК») және «Қызметкерлердің жергілікті кәсіподақ» қоғамдық бірлестігінің қолдауымен Қазақстан Республикасының Тәуелсіздігіне 30 жыл толуына орай Спартакиада ұйымдастырылып, бекітілген кестеге сәйкес «26» және «29» қараша күндері өткізілді.

«26» қараша күні спорттық шараның алғашқы күнінде ашылу салтанаты өткізіліп, шахмат жарысы басталып кетті. Ал «29» қараша күні Маңғыстау Аренада кіші футбол, волейбол, теннис және қол күрес жарыстары өтті. Жарыста «ОТК» ЖШС әкімшілік басқарма, Маңғыстау технологиялық көлік басқарма (бұдан әрі – МТКБ) және инженерлік-техникалық қызметкерлері (бұдан әрі – ИТҚ) және «ОТК» ЖШС мердігер ұйым қызметкерлері бақ сынасты.

«Тәуелсіздігіміздің мерейлі тойында Спартакиада өткізу «ОТК» ЖШС үшін дәстүрге айналды. 30 жыл бұрын қол жеткізген – Тәуелсіздік халықтың күш-жігері мен еңбексүйгіштігінің арқасында Республикамызды үлкен жетістіктерге жеткізді. Осы айтулы мерекеге орай спартакиаданың өтуі де бекер емес. Қызметкерлер арасында салауатты өмір салтын насихаттап, қызметкерлердің жұмыстан тыс уақытын тиімді пайдалануы және оларды спортқа тарту аса маңызды. Мұның адамның бойына күш-қуат құйып, рухани болмысын жаңғыртатын бірден-бір амал екені даусыз. Мекемеміз спорттық бәсекелерді бір мезгілдік шара күйінде қалдырмай, жүйелі, тұрақты, жыл сайын өтетін дәстүрге айналдырдық. 2020 жылы карантиндік шектеу шаралары бірқатар спорттық шараларды ұйымдастыруға кері әсірін тигізіп, шаралардың өткізілуіне тиым салынған болатын. Осы жолы өткізіліп жатырған шараны жаңа күшпен, еселенген екпінмен қайта бастап жатырғанымызға қуаныштымыз. Спорт сүйер қауымға сәттілік пен жеңіс тілеймін» - деп қатысушыларға «ОТК» ЖШС бас директоры Ербол Ералыұлы жылы лебізін білдірді.

Аталмыш сайыстарға «ОТК» ЖШС-нен төрт команда құралып, өзара мықтыларды анықтау үшін қызу жарысқа түсті. Спорттық шараның бастамасы болған шахмат ойынында  бабы келісіп, бағын сынауға бел буған қызметкерлер ойлау қабілеттерінің ұшқыр екенін дәлелдеді. Жүлделі І орынды МТКБ слесарь қызметкер Жамбыл Сабитаев иеленді. ІІ орынға «ОТК» ЖШС өндірістік-техникалық бөлім басшысы Нұртас Арипов ие болды. ІІІ орын МТКБ көлік жүргізушісі Досан Райсовқа бұйырды.

Волейбол ойынының байрақты бәсекесінде қарсыластарына дес бермей, жеңімпаз  атану үшін барын салған МТКБ командасы алға суырылып шықты. Жеңісті қанжығасына МТКБ командасы байласа, белсенді ӘБҚ командасы екінші орын жүлдегері атанды. Үшінші орын иегері инженерлік-техникалық қызметкерлер болды.

Қимыл-қозғалыстың тездігі мен шабуылдың шапшаңдығымен өзіне қатты қызықтыратын ойынның бірі теннис өте қызықты өтті. Жоғары қозғалыс белсенділігімен, шапшаңдғы мен ептілігімен ерекшеленген Жасұлан Аманқосов тартысты жарыстың жеңімпазы атанды. Шеберліктері деңгейлес екі сыралғы қарсылас – Нұрлан Құрмашев және Арман Исатаев екінші орынға тартысып, сәл басымдылықпен Арман Исатаев жеңіске жетті.

Шағын-футбол жарысында қызметшілер өздерінің спортта да осал емес екендіктерін көрсетті. Бірінші орынды өздерінің бірліктерінің арқасында жеңіс тұғырынан көрінген Маңғыстау технологиялық көлік басқармасының қызметкерлерінен құралған командасы ұтып алды. Екінші орынды «ОТК» ЖШС әкімшілік басқарма қызметкерлері (бұдан әрі – ӘБК) иеленді. Жүлделі үшінші орынды ОТК мердігер ұйым ұтып алды.

Қол күресінен Еркін Ермуханов бас жүлде иегері атанды. Екінші орынды Кази Шамьянов иеленсе, үшінші орынды Есенаман Сағындыков ұтып алды.

. Бірінші орын үшін – 3 ұпай, екінші орын үшін – 2 ұпай, төртінші орын – 1 ұпай. Спортшылары жақсы дайындықтың арқасында жалпы командалық есеп бойынша топ жарған ӘБҚ командасы болды. Жабылу салтанатында жеңіске жеткен команда мүшелері ақшалай жүлделермен марапатталып, дипломдар табысталды. Үздік ойыншылар жеке номинацияларға да иеленді.

1 июня 2020

1-маусым балаларды қорғау күні құтты болсын!

1-маусым балаларды қорғау күні құтты болсын!