«Ойл Транспорт Корпорейшэн» ЖШС «Үздік маман – 2022» жеңімпаздары анықталды

Ағымдағы жылдың «24» тамыз күні «Ойл Транспорт Корпорейшэн» жауапкершілігі шектеулі серіктестігінің (бұдан әрі – «ОТК» ЖШС) автобус жүргізушілері арасында үздіктердің үздігін анықтайтын байқау өтті. Осы байқауға қатысуға берілген өтінімдер мен іріктеуге сәйкес 10 қызметкер бағын сынады. Байқаудың Регламентіне сай қызметкерлердің еңбек өтілі, біліктілігі, тиісті санаттары бар жүргізуші куәліктері және еңбекті қорғау бойынша білімін тексеру туралы куәліктері, ескертулер мен бұзушылықтардың болмауы, т.б. тексеріліп, қызметкерлер байқауға қатысуға жолдама алды.

Бірінші теориялық кезеңнен сүрінбей өткен қызметкерлер екінші практикалық кезеңге дайындала бастады. Екінші кезең мекеменің арнайы дайындалған, қажетті жабдықтардың барлығы орнатылған алаңда өтті. Қорытындылау барысында комиссия мүшелері байқауға қатысушылардың тәжірибелік тапсырманы орындау уақыты мен сапасына, теориялық дайындық деңгейіне көңіл бөліп, жеңіске лайықты үздікті таңдады. Байқаудың үздік мамандарына жүлделерін комиссия мүшелерінің төрағасы Нұрлан Жабагиевич Құрмашев тапсырды. Сайыстың қорытындысы бойынша бірінші орынды Маңғыстау технологиялық көлік басқармасының ІІ автотізбегінің жүргізушісі Асет Увалиевич Кулмагамбетов жеңіп алса, жүлделі екінші орынға І автотізбектің жүргізушісі Досан Ізбасарұлы Райсов ие болды. Ал жүлделі ІІІ орынды Азамат Конусович Якупбаев қанжығасына байлады.

Жеңіске қол жеткіхген қызметкерлерді шын жүректен құттықтай отыра, мекемедегі атқарып жүрген маңызды борышын абыроймен атқара берулерін тілейміз. 

18 марта 2025

Конкурсная документация на проведение конкурса по передаче имущества ТОО «ОЙЛ ТРАНСПОРТ КОРПОРЕЙШЭН» в аренду