«Ойл Транспорт Корпорейшэн» ЖШС жылдағы дәстүрлі зейнеткерлерді құрметті еңбек демалысына шығарып салу іс-шарасын өткізді.

«Ойл Транспорт Корпорейшэн» ЖШС жылдағы дәстүрлі зейнеткерлерді құрметті еңбек демалысына шығарып салу іс-шарасын өткізді. 

«Ойл Транспорт Корпорейшэн» ЖШС (бұдан әрі – «ОТК» ЖШС») зейнетке шыққан қызметкерлері ұйым басшысы мен «ОТК» ЖШС жұмысшыларының жергілікті кәсіподағы» ҚБ төрағасы атынан алғыс хаттармен марапатталып, салтанатты іс-шара ұйымдастырылып, ақ дастархан жайылды.

Ұзақ жылдар бойы «ОТК» ЖШС еңбек етіп, өндіріс жұмысының алға басуына айтулы үлес қосқан жандар қатарында Махсет Дарбаев, Жанбырбай Серикбаев, Сұлтан Елберген, Кырыкбай Тулешов, Шаудірбай Айдашұлы, Адыл Мангулов, Асылбек Нурсултанов, Жанабай Садуов, Досымбек Кадиров автокөлік жүргізушілері қызметін атқарған және автокөлік құралдарының техникалық жай-күйін бақылаушы қызметін атқарған Тасым Кезбаев ағаларымыз бар.

Жыл сайын тұрақты ұйымдастырылып келе жатқан дәстүрлі іс-шарада «ОТК» ЖШС бас директорының экономикалық сұрақтар жөніндегі орынбасары Бекжан Бисенбаев, бас директорының персоналды басқару, еңбек ақы төлеу және әлеуметтік саясат жөніндегі орынбасары Нұрлан Құрмашев және жұмысшыларының жергілікті кәсіподағы» ҚБ төрағасы Марат Темірқасов қатысып, қызметкерлерге жылы лебіздерін білдіріп, сыйлақтарын табыстады. Сонымен қатар, сахнада ән айтылып, қонақтардың көңілін көтеру үшін жақсы әуендер шырқалды.

Мекеменің ардақты зейнеткерлері өздерінің еңбек жолындағы көрген қызық-қуаныштарымен бөлісіп, жеткен жетістіктері туралы әңгімелерін айтып, бір марқайып қалды.

Осы шарада ағаларымыз құрмет көрсетіп, ілтипатын көрсетіп жатқан компания басшылығына алғысын айтып, бір мекемеде қызмет атқарып, мекеменің көркеюіне үлес қосқандарына қуанышты болғандықтарын айтып өтті.

Мұнай-газ саласындағы ұзақ жылғы қажырлы еңбектері, қызмет жолында жауапкершілік көрсеткендері үшін және көлік мекемесінің дамуына қомақты үлес қосқандары үшін және өздеріне артылған міндетті жауапкершілікпен атқарғандықтарына шексіз алғысымызды білдіреміз. 

2 августа 2022

Памятка

Вниманию сотрудников, посещающих спортивный комплекс!