«Үздік маман – 2019» кәсіби шеберлік байқауы өтті

«Ойл Транспорт Корпорейшэн» ЖШС-нің Маңғыстау техникалық көлік басқармасы (бұдан әрі – МТКБ) аумағында автокөлік жүзгізушілері арасында «Үздік маман-2019» кәсіби шеберлік байқауы өтті. Дәстүрлі кәсіби шеберлік конкурсы жұмысшылардың шеберлігін шыңдауға көмектесетіні белгілі. Жұмыстың қыр-сырын меңгере және тәжірибелерімен бөлісе отырып, жұмысшылар өндірістің тиімділігін арттыруға, біліктілікті жетілдіруге, өз кәсібіне үлкен жауапкершілікпен қарауға және бар күш жігерін жұмсауға ықпал етеді.

Арнайы көлік тізгінін ұстаған мамандар жайлы қысқаша мәлімет айта кететін болсақ, көлік жүргізуші маманы күрделі көліктің – заманауи автобустың құрылымын және аспаптарын өте жақсы деңгейде білуі қажет. Сонымен қатар, қауіпсіз көлік жүргізу техникасын, физика, механика, өмір қауіпсіздігінің негіздерін білуі шарт. Арнайы көлікті тізгіндеген мамандарға жүктелген жауапкершілік жүгі зор. Сақтықты сұңқардай үйренген көлік жүргізушілері жолаушылардың өмірін бірінші орынға қояды. Сондықтан арнайы көлік жүргізу екінің бірінің қолынан келе беретін оңай - оспақ іс емес.

ЖШС «Ойл Транспорт Корпорейшэн» Серіктестігінің бас директоры Кеулімжаев Серік Жеткергенұлы осындай кәсіби шеберлік конкурсында қызметкерлер тек жеңіске жетіп қана қоймай, көлік саласындағы шеберлікті жетілдіруге, шыңдай түсуге, қызығушылықты күшейтуге көмектесетін сайыс болып табылатындығын айтып, қатысушыларға сәттілік тіледі.

Осындай салтанатты шараның маңыздылығын «ОТК» ЖШС «Қызметкерлердің жершілікті кәсіподағы» ҚБ төрағасы Темірқасов Марат Бурибайұлы өз сөзінде айтып өтті. Бірнеше жыл қатарынан өткізіліп келе жатырған байқау қызметкерлердің жұмысқа деген жауапкершілігін арттырып, белсенділігін күшейтеді» - деді.

«Жыл сайын жалғасын тауып келе жатқан дәстүрлі сайысқа мекеме ішінен 8 қызметкер қатысып, сайыстың бағдарламасымен танысты. Бұл жолы сайыс екі кезеңнен құралды. Бірінші кезең теориялық тесттен тұрса, екінші кезең тәжірибелік сайыспен аяқталды. Сайыстың бағдарламасы бойынша қатысушылар медициналық тескерістен өтіп, сайыс ұйымдастырылып отырған аумақтағы тұлғаларға еңбекті қорғау, қауіпсіздік техникасы, жол қауіпсіздігі және өрт қауіпсіздігін сақтау бойынша нұсқама жүргізілгеннен кейін қатысушылар теориялық тесті тапсыру кезеңіне кірісіп кетті. Жеребе тастау әдісімен практикалық тәжірибе өтушілердің кезектері белгілі болды. Комиссия мүшелері ережелердің сақталуын мен талаптардың орындалуын мұқият қадағалап отырды. Бұл кезең қызықты да тартысты өтті. Себебі не бір қиын бөгеттерден өту үшін әрі белгіленген уақытта аяқтау үшін қатысушылар біраз тер төкті.

Конкурстық комиссия мүшелері тәжірибелік тапсырмаларды орындау сапасы мен теориялық дайындығын бағалап, үздік көлік жүргізушісін анықтады. Байқау нәтижесінде: тәжірибелі әріптестерін озып шыққан МТКБ №2 автотізбек жүргізушісі Құлынтаев Ислам бас жүлдеге ие болды. ІІ орынға МТКБ №2 автотізбек Қабиев Дастан қол жеткізсе, жүлделі ІІІ орынға МТКБ №2 автотізбек жүргізушісі Тайлақов Айдын ие болды.

Байқау жеңімпазы Татарстан Республикасы Альметьевск қаласында өтетін «ҚазМұнайГаз» ҰК АҚ «Үздік маман - 2019» кәсіптік байқауының финалдық кезеңіне қатысады.

Барша қатысушылар үлкен ынта жігер көрсетіп, жауапкершілікті ақтап шықты. Байқау жеңімпаздарын жеңістерімен шын жүректен құттықтаймыз. «Ойл Транспорт Корпорейшэн» ЖШС әкімшілігі

6 марта 2017

План мероприятия по решению поставленных вопросов работников

План мероприятия по решению поставленных  вопросов работников на отчетной встречи Первого руководителя и на встречи с представителями работников (Профсоюз)