«Ойл Транспорт Корпорейшэн» ЖШС автопаркі жаңа автобустармен толығып салтанатты түрде кілттері табысталды

Автобустардың кілттерін табыстау рәсіміне «ОТК» бас директоры Ербол Ералыұлы Турниязов, «ОТК» ЖШС қызметкерлерінің жергілікті кәсіптік одағының ҚБ төрағасы Марат Бөребайұлы Темірқасов, бас директордың персоналды басқару және әлеуметтік саясат бойынша орынбасары Нұрлан Жабагиевич Кұрмашев қатысты.

Бас директор құттықтау сөзінде осы авобустардың мекеме жұмысының сапасы мен өнімділігін арттыруға мүмкіндік беретінін айтып өткен болатын. «Көліктердің тұрақты және кідіріссіз жұмыс жасауын қамтамасыз ету мекеміздің негізгі мақсаты. Жұмыстың жоғары деңгейде орындалуы және жүктелген міндеттің қалтқысыз атқарылуы техникалардың жоғары сапалығына байланысты екені белгілі. Сол себепті қалааралық автобустың негізгі моделі болып саналатын осы автобустарды алуды дұрыс деп санадық. Ең бастысы жүргізуші мен жолаушылар үшін жайлылық пен қауіпсіздікті қамтамасыз ететін ең заманауи жүйелермен жабдықталған. Автопарктің жағдайын жақсарту мақсатында осы жылы 4 автобустарды алсақ, алдағы уақытта су жаңа 8 автобустарымен толықтыру бойынша жұмыстар жүргізілуде. Ал, автобус жүргізушілеріне жолда тек сақтық пен сәттілік тілеймін» - деді ұйымның бас директоры.

«ОТК» ЖШС қызметкерлерінің жергілікті кәсіптік одағының ҚБ төрағасы Марат Бөребайұлы Темірқасов өзінің құттықтау сөзінде мекеме автопаркінің жаңартылып жатырғанына қуанышын білдіріп, қызметкерлерге сапарларының сәтті, жолдарының ашық болуын тіледі.

Үлкен автокөлікті тізгіндейтін қызметкерлер жаңа автобустармен жаңа мүмкіндіктерге қол жеткізетіндеріне нық сенімді. «Көлік саласының қызметкерлері болғандықтан және жұртшылықпен тікелей жұмыс істейтіндіктен жолаушылардың қауіпсіздігі біз үшін бірінші орында. Осындай автобустардың арқасында қозғалыстың ыңғайлы және жайлы болуын қамтамасыз ете аламыз. Автопарктің ары қарай жаңартылу жұмыстары жүргізіледі деп сенеміз. Жаңа автобус көлігін айдайтын қызметкерлерді құттықтаймын және де басшылардың қажырлы еңбектеріне алғысымды білдіремін» - деп МТКБ жүргізушісі Бердіқожа Атшыбай ақжолтай тілегін жеткізді.

Жаңа автобустардың алғашқы бағыты Қаламқас кен орыны болды. Мекеме басшылығы алыс жолға шыққан жолаушыларды жаңа автобустарға мінгізіп, ақ жол тілеп шығарып салды. Ал, ауыр көлікті жанына серік қылған ағаларымызға жолда әрдайым қырағылық таныта жүруін, әрі зор денсаулық пен жұмыстарына береке тілейміз.

16 января 2024

В целях обеспечения правовой защиты работников группы компаний и соблюдения норм Кодекса деловой этики в АО НК «КазМунайГаз» имеется должность Омбудсмена.