«1 маусым - Халықаралық балаларды қорғау күніне орай «Ойл Транспорт Корпорейшэн» ЖШС қызметкерлерінің балалары арасында сурет салу байқауы өтті»

1 маусым - Халықаралық балаларды қорғау күніне орай «Ойл Транспорт Корпорейшэн» ЖШС қызметкерлерінің балалары арасында сурет салу байқауы өтті

Шуақты жаздың алғашқы күні 1 маусым – халықаралық деңгейде аталып өтетін Балалар мерекесі. Осындай мейірімге, жылулық пен қуанышқа толы мереке - сыңғырлаған сәби күлкісі мен балдырғандардың былдыры арқылы ерекшеленеді. Балалар мерекесі дүниежүзі бойынша аталып келе жатырғанына биыл 72 жыл болады екен.

Еліміздің президенті Қасым-Жомарт Тоқаев өзінің алғашқы Жолдауында балалардың құқығын қорғауға қатысты мәселеге ерекше тоқталып, заңнаманы жетілдіру туралы тапсырмалар берген болатын. Соның аясында елімізде балалардың құқығы туралы заңнамаға біршама түзетулер енгізіліп, осы мәселеге деген жауапкершілікті арттырды.

«Қоршаған ортаны қорғау» атты көркем сурет шығарма байқауын –өткізу барысында бүлдіршіндердің қоршаған ортаға деген түсініктерін кеңейту, табиғи экологиялық жүйелерге зиянды әсерлерді болғызбау, биологиялық алуан түрлiлiктi сақтау мен табиғатты ұтымды пайдалануды ұйымдастыру сынды тәрбие факторы ретінде балалар мен жас өспірімдердің шығармашылық қабілеттерін қолдау және дамыту мақсатында ұйымдастырылған байқауға «Ойл Транспорт Корпорейшэн» ЖШС (бұдан әрі – «ОТК» ЖШС) қызметкерлерінің балалары қатысты. «ҚазМұнайГаз» ҰК АҚ компаниялар тобы бойынша 2021 жылды Экология жылы деп жариялау туралы шешім қабылданғандықтан, «ОТК» ЖШС осы мерекені экология тақырыбында өткізуге шешім қабылдады. Қызметшілердің ұл-қыздарының үйлерінде салған туындылары арнайы тақтаға салынып, ұйымдастырушылар тарапынан бағаланып, комиссия мүшелерінің көңілінен шықты.

Шығармашылық байқауда жас шамасына қарай 12 жасқа дейінгі балапандар мен 12-14 жас аралығандағы жеткіншектер табиғат Ананы қорғау жолында қандай іс-әрекеттер жасалуы тиіс екендігін ашық көрсете білді. Байқауда ең кішкентай бүлдіршіннің жасы бар болғаны 6 жаста болса, ең үлкені 13 жасқа толған жас жеткіншек екен.

«ОТК» ЖШС бас директоры Ербол Ералыұлы Турниязов байқау барысында балаларды мерекесімен құттықтап, жылы лебізін білдірді. «Егемен елдің ертеңі болар бүгінгі өрендерге жан-жақты тәрбие беріп, әлеуметтік тұрғыдан барынша қамтамасыз етіп, толыққанды білім алуына жағдай жасау Біздің міндетіміз деп білемін. Биыл бүлдіршіндерді мерекемен құттықтап, осындай кішігірім шара өткізуді ұйғардық. Балалар да, бүлдіршіндерін әкелген ата-аналар да қуанып жатыр. Біз соған ризамыз» - деді мекеме басшысы.

Байқауда қазылық еткен «ОТК» ЖШС қызметкерлерінің жергілікті кәсіптік одағының ҚБ төрағасы Марат Темірқасов - «экологиялық білім мен тәрбие беруді күшейту - қазіргі өмір талабынан туындап отырған қоғамымыздың алдында тұрған басты мәселе. Сондықтан өзімізді қоршаған табиғат байлығын қалыпты жағдайда ұстау – әрқайсымыздың азаматтық борышымыз, біз бұл міндетті жас ұрпаққа жеткізе білуіміз керек» - екендігін алға тартты.

Байқауға қатысқан 12 жасқа дейінгі балақайлардың ішінен оза шауып бірінші орынды Келдібаева Камила жеңіп алды. Жүлделі екінші орынға Амантурлы Диас Жангелдиевич ие болса, үшінші орынды Танаш Бексұлтан Есеналиулы ұтып алды. 12 және 14 жас аралығында табиғат қорғаушысы Жантілеу Аяулым Айтқалиқызы бірінші орынға ие болды. Бердибек Сымбат Бағдаулетқызы екінші орынды жеңіп алса, үшінші орынды Избасар Гулбану Досанқызы ұтып алды.

«ОТК» ЖШС қызметкерлерінің жергілікті кәсіптік одағының атынан жүлделі орындарға ие болған балаларға дипломдары мен сыйлықтары табысталып, көркем сурет шығарма байқауына белсене қатысқан барлық 15 жас өркендерге сурет салуға қажетті құрал-жабдықтар салынған сөмке сыйға тартылды.

Барша балаларға бейбіт өмір, мықты денсаулық, бақытты балалық шақ және әрқашанда сыңғырлаған күлкі тілейміз. Тәтті бүлдіршіндер асыға күтетін мерекені Біздің мекемемен атап өтуді асыға күтеді деп сенеміз. Мерекелеріңіз құтты болсын!

7 мая 2021

«7 мая - с днем Защитника Отечества»!

Поздравляем Вас с замечательным днем «7 мая - с днем Защитника Отечества»!