«Ойл Транспорт Корпорейшэн» ЖШС «Үздік маман – 2021» жеңімпаздары анықталды

«Ойл Транспорт Корпорейшэн» ЖШС «Үздік маман – 2021» жеңімпаздары анықталды

Ағымдағы жылдың «9» шілде күні «Ойл Транспорт Корпорейшэн» жауапкершілігі шектеулі серіктестігінің (бұдан әрі – «ОТК» ЖШС) автобус жүргізушілері арасында үздіктердің үздігін анықтайтын байқау өтті. «Үздік маман-2021» дәстүрлі байқау біздің серіктестігімізде 10 жыл қатарынан ұйымдастырылып келеді. Алты жыл бойы «Үздік маман ҚМГ» жалпы конкурсы аясында өткізіліп келе жатыр.

«Үздік маман» құрметті атағынан бөлек, байқау жеңімпазы мен жүлдегерлері ақшалай өтемақыдан басқа, 1 - орын үшін жалақыға 30%, 2 – орын үшін жалақыға 20% және 3-орын үшін жалақыға 10% қосымша ақы жыл бойы төленетін болады.  

Аталмыш байқауға қатысуға берілген өтінімдер мен іріктеуге сәйкес 10 қызметкер бағын сынады. Байқаудың Регламентіне сай қызметкерлердің еңбек өтілі, біліктілігі, тиісті санаттары бар жүргізуші куәліктері және еңбекті қорғау бойынша білімін тексеру туралы куәліктері, ескертулер мен бұзушылықтардың болмауы, т.б. тексеріліп, қызметкерлер байқауға қатысуға жолдама алды.

Жиналған қауымның  алдында сөз сөйлеген мекеменің бас директоры Ербол Ералыулы Турниязов: «Автобус жүргізушісі - бұл мақтаулы мамандық. Күн сайын серіктестіктің әрбір жүргізушісі кен орындарына, алыс объектілерге жұмыскерлерді тасымалдайды. Сіз өз кәсібилігіңізді күнделікті өз жұмысыңызбен дәлелдеп жүрсіздер, соның нәтижесі серіктестіктің тапсырыс берушілер алдындағы барлық шарттарды мүлтіксіз орындап келеміз. Бүгінгі байқау үздіктердің ішінен үздіктерді анықтауы керек. Байқауға қатысушыларына сәттілік тілеймін. Қазылар алқасы, төрешілер және нұсқаушылар бұл байқауда әділ шешім қабылдайды деп ойлаймын. Ең мықтылар жеңіс тұғырынан көрінciн!» - деп қызметкерлерге байқауда табандылық көрсетуін және жеңіске жетулерін тіледі.

Байқауда «ОТК» ЖШС қызметкерлерінің жергілікті кәсіптік одағының ҚБ төрағасы Марат Бөребайұлы Темірқасов: «Еңбек иелерін кәсіби шеберлікке насихаттайтын бұл байқауға қызметкерлерді белсенді қатысуға шақырды. Осындай кәсіби шеберлік байқау қызметкерлерді жеңіске әкелу ғана емес, біліктілігін, білімін жетілдіріп, шыңдап отыруға көмектесетінін», - айтып өтті.

Бірінші теориялық кезеңнен сүрінбей өткен қызметкерлер екінші практикалық кезеңге дайындала бастады. Екінші кезең мекеменің арнайы дайындалған, қажетті жабдықтардың барлығы орнатылған алаңда өтті. Қорытындылау барысында комиссия мүшелері байқауға қатысушылардың тәжірибелік тапсырманы орындау уақыты мен сапасына, теориялық дайындық деңгейіне көңіл бөліп, жеңіске лайықты үздікті таңдады. Байқаудың үздік мамандарына жүлделерін комиссия мүшелерінің төрағасы Нұрлан Жабагиевич Құрмашев тапсырды. Сайыстың қорытындысы бойынша бірінші орынды Маңғыстау технологиялық көлік басқармасының ІІ автотізбегінің жүргізушісі Сержан Найзабекұлы Уттибаев жеңіп алса, жүлделі екінші орынға І автотізбектің жүргізушісі Досан Ізбасарұлы Райсов ие болды.

Бірінші орын жүлдегері Сержан Уттибаев өзінің сөзінде: «Жеңістің артында қаншама еңбек, қаншама тер жатыр. Бұл жеңіске табандылығымыздың, қайсарлығымыз бен біліміміздің арқасында жетіп отырмыз. Маған әрдайым қолдау көрсетіп, білмегенімді үйретіп, білгенімді мақтап отыратын ағаларыма алғыс айтамын» - деп, жылы лебізін аға қызметкерлерге білдірді.

20 ақпан 2025

Бірінші басшының 2024 жылдың

Ағымдағы жылдың «19» ақпан күні «Ойл Транспорт Корпорейшэн» ЖШС жұмыс беруші мен жұмыскерлер арасындағы ішкі коммуникациялар ережесіне сәйкес Бірінші басшының 2024 жылдың қорытынды есептік кездесуі өткенін хабарлаймыз.