«ОТК» ЖШС шыныққан шымыр қызметтерлер арасында «30» қараша мен «09» желтоқсан аралығында тартысты жарыс өтті.

«ОТК» ЖШС шыныққан шымыр қызметтерлер арасында тартысты жарыс өтті

«ОТК» ЖШС ҚР Тәуелсіздік мерекесіне орай «ОТК» ЖШС қызметкерлерінің жергілікті кәсіптік одағының» БҚ қолдауымен қызметкерлер арасында командалық және жеке жарыстар ұйымдастырылды. Жарыстарға алалты құрама командалар бақ сынады. Тартысқа толы бәсеке «30» қараша күні іріктеу турынан бастау алып, өз мәресіне «09» желтоқсан күні жетті. Іріктеу турында волейбол және футбол жарыстары өткізіліп, волейболдан Маңғыстау технологиялық көлік басқармасының (бұдан әрі – МТКБ) №1, №2 және инженер-технологиялық қызметкерлер (бұдан әрі – ИТҚ) тобы мен әкімшілік басқарма қызметкерлері (бұдан әрі – ӘБҚ) алға шығып, финалға жолдама алды. Футбол жарысы бойынша ИТҚ, Мердігер ұйым «Nur-Caspian», ӘБҚ, өндірістік жөндеу цех қызметкерлері финалға шықты.

Қызметкерлер арасында тұңғыш рет ұйымдастырылған «Жүзу» жарысы «08» желтоқсан күні сәтті өтті. Дүбірлі додаға жоғары дайындықпен келген спортшылар жеңістің желкенін көтеру үшін нағыз табандылық пен жылдамдықты көрсетті. Жарыс қорытындысы бойынша 50 метр қашықтықта І орынды МТКБ қызметкері Саламат Талғатұлы Бөрібаев қанжығасына байлады. Ал, ІІ орынды ӘБҚ қызметкері Дастан Серікқалиұлы Әлібеков ұтып алса, ІІІ орынды ӨЖЦ қызметкері Аят Капағанбетов иеленді. 

Спартакиаданың бағдарламасына сәйкес «Үстел теннисі» жарысының іріктеу туры «03» желтоқсан күні ерлер мен әйелдер арасында өткізілсе, «09» желтоқсан күні финалға жолдама алғандар өзара жарысқа түсті. Іріктеу турында «Сұңқар» теннис клубының төрешісі – Вячеслав Аркадьевич ойын барысымен таныстырып, жеребе суыру тәсілі арқылы жұптық ойын ұйымдастырды.

Әкімшілік басқарма қызметкерлерінің нәзік жандылар арасынан ғана «Үстел теннисі» жарысына қатысушылар шығып, белсенді теннисшілер анықтылған болатын. Тартысты жарыста үшінші орынды эколог маман Муканаева Бибінұр жеңіп алса, екінші орынға сатып алу тобының басшысы Мухашева Ақмарал қол жеткізді. Бас жүлдені 1 санаттағы еңбек жөніндегі экономисті Жидебаева Айнұр ұтып алды. 

Финалға шығу үшін ойында «ОТК» ЖШС мердігер ұйым қызметкері Узганбаев Райымбек «ОТК» ЖШС әкімшілік басқарма қызметкері (бұдан әрі – ӘБҚ) Темиркасов Шапағатты 3:2 есебімен жеңіп шықты.

Финалда «ОТК» ЖШС ӘБҚ қатарынан үздік атанған бас директордың персоналды басқару, еңбекақы төлеу және әлеуметтік саясат жөніндегі орынбасары Нұрлан Құрмашев Райымбек Узганбаевты 3:2 есебімен жеңіп, жеңісті қанжығасына байлады.

«07» желтоқсан күні жоспар бойынша шахмат жарасы өткізіліп, І орынды ӨЖЦ қызметкері Жамбыл Сабитаев, ІІ орынды МТКБ №2 а/т жүргізушісі Досан Райсов иеленді. Жүлделі ІІІ орын МТКБ №2 а/т қызметкері Кенжебек Баедиловқа бұйырды.

Спартакиада-2022 дәстүрлі ойындарының бірі «Қол күресінде» қатысушылар қарсыластарына дес бермей, тартысты жарыс өткізді. Осы жарыста үшінші орын жүлдегері өндірісті жөндеу цех қызметкері Аққозы Келімберді атанса, екінші орынды МТКБ №2 автотізбек жүргізушісі Досан Райсов жеңіп алды. Қол күресінен талай білекті де жүректі спортшысы танылған Еркін Ермуханов қол күресінен үш дүркін чемпионы атанды. Еркін қарсыластарына шақ келтірмей, өзгеден мықты екенін анық байқатты.

Спартакиада-2022 Волейбол жарысында финалдық ойында ІІІ орынды МТКБ №1 а/т, ІІ орынды ИТҚ жеңсе бас жүлдені МТКБ №2 а/т ұтып алды.

Футбол жарасында жартылай финал ойындарында Мердігер ұйым мен ӘБҚ командалары өзара жарысқа түсіп, 1:0 ұпайымен Мердігер ұйым алға шықты. Үшінші орын үшін МТКБ ИТҚ және ӘБҚ командалары бақталаста 2:2 есебі теңдей келіп, ойынның жеңімпазы пенальти сериясында анықталып МТКБ ИТР 5:4 есебімен ұтты. Финалда Мердігер ұйым қызметкерлері мен ӨЖЦ қызметкерлері кездесіп, 2:1 есебімен Мердігер ұйым Спартакиада жеңімпаздары атанды.

9 шілде 2021

«Ойл Транспорт Корпорейшэн» ЖШС «Үздік маман – 2021» жеңімпаздары анықталды