«Ойл Транспорт Корпорэйшн» ЖШС мұнай және газ саласы кешенінің қызметкерлері мерекесі күнімен құттықтап, «Үздік маман – 2020» жеңімпаздары анықталды.

Дәстүрлі кәсіби шеберлік конкурсы «Үздік маман – 2020» биыл «Ойл Транспорт Корпорейшэн» ЖШС (бұдан әрі «ОТК») кадр құрамының еңбек уәждемесін қолдау, қызметкерлердің кәсіптерінің беделін күшейту және олардың кәсіби шеберлік деңгейін арттыру мақсатында конкурстың бірінші кезеңін өткізу туралы шешім қабылданған болатын. Конкурсты өткізу кезінде барлық қатысушы қызметкерлерге міндетті түрде сақталуы тиіс шаралар түсіндіріліп, коронавирустық инфекцияның таралуына жол бермеу мақсатында санитарлық-эпидемиологиялық ережелер мен нормаларды және әлеуметтік қашықтықты сақтау қажеттігі ескертілді. Қызметкерлердің қауіпсіздігін қамтамасыз ету мақсатында конкурсты ұйымдастыру шараларына көп қызметкерлер жұмылдырылған жоқ.

Жарыстың ашылу салтанатында «ОТК» ЖШС өндіріс жөніндегі орынбасары Бердіғали Сүгіров сөз алып, мұнай және газ саласы кешені қызметкерлер мерекесімен құттықтай отыра, байқаудың өткізу маңыздылығына тоқтала кетті.

«Барша мұнай саласының қызметкерлерін және сала ардагерлерін «ОТК» ЖШС ұжымынан және жеке өз атымнан Мұнай-газ кешені қызметкерлерінің күнімен шын жүректен құттықтаймын! Осындай айтулы күні Сіздерге денсаулық, отбасыңызға амандық және мұнай-газ саласында атқарып жатқан игі қызметіңізде табыс пен береке тілеймін! Өңірімізде вирустың жұғу қарқыны бәсеңдеп, карантиндік жағдай режимінің талаптары кезең – кезеңімен жеңілдетіліп, жұмыс қарқыны жандана бастады. Соған орай, санитарлық нормаларды сақтай отыра, бұл байқауды өткізуге шешім қабылданған болатын. Бұл байқау әрине, жұмысшылардың шеберлігін шыңдауға көмектесетіні белгілі. Жұмыстың  қыр-сырын меңгере отырып, жұмысшылар біліктілікті жетілдіруге, өз кәсібіне үлкен жауапкершілікпен қарауға ықпал етеді» - деді ол.

«Еліміздің басына түскен пандемия кезеңінде орын алған қиыншылықтарға қарамастан, ұйым қызметкерлерін өнімді жұмысқа ынталандыру, сол жұмыс әлеуетін сақтау да өте маңызды. Бұл бәсекеде қатысушылар бақ сынап қана қоймай, біліктілік деңгейін көтеруге мүмкіндік береді. Осы бәсекеде ең мықты да тәжірибелі қатысушы жеңіске жетеді деген сенімдеміз», - дейді «ОТК» ЖШС бас директорының персоналды басқару, еңбекақы төлеу және әлеуметтік саясат жөніндегі орынбасары Нұрлан Құрмашев.

Дәстүрлі сайысқа мекеме ішінен 8 қызметкер қатысты. Қатысушылар дене қызуы өлшеніп, медициналық тексерістен өтіп, денсаулық көрсеткіштері тексерілді. Ереже бойынша сайыс екі кезеңнен құралды. Бірінші кезең теориялық тесттен тұрса, екінші кезең тәжірибелік сайыспен аяқталды. Сайыс ұйымдастырылып отырған аумақтағы тұлғаларға еңбекті қорғау, қауіпсіздік техникасы, жол қауіпсіздігі және өт қауіпсіздігін сақтау бойынша нұсқама жүргізілгеннен кейін қатысушылар теориялық тесті тапсыру кезеңіне кірісіп кетті. Бірінші кезеңнен сүрінбей өткен қатысушылар партикалық кезеңге жолдама алды. Комиссия мүшелері ережелердің сақталуын мен талаптардың орындалуын мұқият қадағалап отырды. Практикалық кезеңде қиын бөгеттерден өту үшін әрі белгіленген уақытта аяқтау үшін қатысушыларға қиындық тудырды. Нәтижесінде жоғары дайындықпен ерекшеленген қатысушылар алға суырылып, қырағылық пен сақтықты көрсете алғанМТКБ №2 автотізбек жүргізушісі Ислам Құлынтаев бірінші орынды жеңіп алды. Екінші орын иегері МТКБ №2 автотізбек жүргізушісі Қанат Рахимов атанса, үшінші орынға МТКБ №1 автотізбек жүргізушісі Досан Райсов жайғасты. Жарыс жеңімпаздарына диплом табыс етіліп, алдағы уақытта жаңа жеңістерге жетуіне тілектестік білдірді. Сонымен қатар ұйым қызметкерлеріне ҚР энергетика министрлігінен Мұнай және газ саласы кешені қызметкерлерінің күні мерекесіне орай кәсіби қызметте жеткен жоғары нәтижелері мен «ҚазМұнайГаз» ҰК АҚ осы салада ұзық жылғы еңбектерімен, қол жеткізген жоғары көрсеткіштері үшін алғыс хаттар және құрмет грамоталары табысталды.

Бұл кәсіби мерекеде барша қызметкерлердің отбасыларына бақыт, дендерінее саулық және істеріңізге береке тілейміз! Байқауға қатысқан барлық қатысушылардың еңбектеріне табыс тілей отырып, алдағы уақытта жоғары жетістіктерге жете берулеріне тілек білдіреміз!

«Ойл Транспорт Корпорейшэн» ЖШС әкімшілігі

29 тамыз 2019

«Ойл Транспорт Корпорейшэн» ЖШС бас директоры Серік Жеткергенұлы Кеулімжаев әріптестерін Қазақстан мұнайының 120 жылдығымен құттықтады

Құрметті әріптестер! Сіздерді Қазақстан мұнайына 120 жыл толуымен «Ойл Транспорт Корпорейшэн» ЖШС мен өзімнің атымнан шын жүректен құттықтаймын! Сіздердің еңбектеріңіз тәуелсіздік туын тұғырға қондырған еліміздің экономикалық және әлеуметтік жағынан дамуына, халқымыздың әл-ауқатын жақсарта түсу жолындағы толассыз еңбектеріңізге табыстар мен жарқын жеңістер тілейміз.