БІЗДІҢ МІНДЕТ – АРДАГЕРЛЕРГЕ ҚҰРМЕТ КӨРСЕТУ

   «Ардагерлеріміз – мақтанышымыз! Ардагерлеріміз – ардақтыларымыз! Ардагерлеріміз – қазынамыз!» деген девизді ұстанған «Ойл Транспорт Корпорейшэн» жауапкершілігі шектеулі серіктестігі (бұдан әрі – «ОТК» ЖШС) «Қазақстан мұнайының 120 жылдығын» және мұнай-газ саласының қызметкерлерінің төл мерекесін жоғары деңгейде атап өтті.

Мекеме басшылығы ардагерлерді мейрамханаға шақырып, бір дастархан басына жинап, оларды мерекелік шарамен құттықтап, «ҚазМұнайГаз» ҰК АҚ «Қазақстан мұнайына 120 жыл» атты кұрмет медальдарымен марапаттап, салтанатты шараны абыроймен өткізді деп айтсақ қателеспейміз.

Ардақты ардагерлерімізге құрмет көрсету біздің борышымыз. Өздерінің жастық жігерлерін еліміздің гүлденуіне сарп етіп,  еңбек жолын мекеменің өркендеуіне арнаған жандар тек құрметке лайық. Ендеше, дендеріңізге саулық тілей отырып, арамызда аман-сау жүрулеріңізге тілектестігімді білдіремін, – деді «ОТК» ЖШС бас директорының орынбасары Нұрлан Құрмашев.

Мерекелік көңіл-күйде келген қонақтар кезінде бірге жұмыс жасаған замандастарылармен жүздесіп, көңілдері бір марқайып қалды. Қазыналы ардагерлерді төрге шығарып, ақ тілектерін білдірген «ОТК» ЖШС бас директорының өндіріс жөніндегі орынбасарының м.а. Еділбай Кушеров пен  қызметкерлерінің жергілікті кәсіптік одағы» ҚБ төрағасы Марат Темірқасов төс белгілерді кеуделеріне тағу рәсімін жасады. Мерекелік құттықтау сөздерін бейнебаян да арқылы жеткізген мекеме ұжымына зейнеткерлер дән риза болды. Дәмді шәй үстінде естеліктер айтылып, ән шырқалып, жылы лебіздерін білдірген зейнеткерлер көтеріңкі көңіл күйде тарқасты.

18 желтоқсан 2023

"West Oil Software" ЖШС басшылығы жұмысшылардың 11 желтоқсаннан бері жалғасып келе жатырған ереуіліне қатысты мәлімдеме.