Жаңа өмір, жаңа жыл, жаңа күнмен көрісу

Татулықтың, сыйластықтың белгісі 14–наурыз «Амал» мерекесі немесе «Көрісу» күні Қазақстанның батыс өңірінің тұрғындары асыға күткен мереке де келіп жетті.

Осындай керемет мейрам туралы қысқаша мәлімет беріп өтейік. Тарихында көшпелі ғұмыр кешіп, шеті мен шегі жоқ далада тарыдай шашылып, киіз үйде тұрған қазақ халқы қар еріп, жер жіби бастағанда туған-туыс, жақын-жұрағатын іздеп, үскірік аязды алты ай қыстан мал-жанның аман-есен шыққанына шүкіршілік қылып бір-бірімен көріскен. «Бір жасқа шығуыңмен!»- деген тілектің артында «Қыстан аман шығып, жаңа жылға қадам басуыңмен!»-деген тілек жатыр. Көріскенде адамдар бір-біріне «Қосқан жасың құтты болсын!», «Ғұмырың ұзақ болғай!»-деген ақтайлақ ниетін айтады.

Амал мерекесі–үлкен мен кішінің арасында сыйластық пен сыпайылық орнататын имандылыққа негіз салған әрі адамдар арасындағы бұрынғы өкпе-ренішін кешіретін, араздықты ұмытатын, бір-біріне амандық-саулық тілейтін мереке. Көктемге аман есен жеттік деп, дастархан жайып, үлкендерге сәлем беріп, келген қонақтарды жылы жүзбен қарсы алып, құттықтап жатады.

Осы жылы «Ойл Транспорт Корпорейшэн» ЖШС «Амал» мейрамын жоғары деңгейде атап өтті. Барлық қызметкерлер бір дастархан басында жиналып, қол алысып, бір-біріне амандық-саулық тілеп, құттықтады.

«Ойл Транспорт Корпорейшэн» ЖШС бас директоры Серік Кеулімжаев «Келіп жеткен осындай керемет Амал мерекесі құтты болсын! Отбасыларыңызға амандық, бақыт-береке тілеймін. Еліміз аман, жұртымыз тыныш болсын! Жылдан жылға жете берейік!» деп ізгі тілегін білдірді.

Мерекелік дастарханда қазақтың ұлттық тағамдар ішінен бауырсақ, құрт, ақ ірімшік, қызыл ірімшік, балқаймақ, қазы сынды дәстүрлі тағамдарымен көмкеріп, наурыз көжесін дайындап, Сенімгерлік Басқармалардан арнайы көрісуге келген қонақтарға қазақтың дәстүрлі сусыны Шұбат ұсынылды. Оларға ерекше ілтипат көрсетіліп, төріне шығарып, ас ұсынылды.

Бүгінгі келіп жеткен «Пенденің аузы – аққа, малдың аузы – көкке тиген күн» - Амал мерекесімен құттықтаймыз! Жанамыз да, тәніміз де жаңара бергей! Баршаңызға жыл құтты болып, жақсылық, ырыс, несібесін ала келсін! Жыл сайын тойланып, дәстүрдіі дәріптеу кең етек алсын!

20 ақпан 2025

Бірінші басшының 2024 жылдың

Ағымдағы жылдың «19» ақпан күні «Ойл Транспорт Корпорейшэн» ЖШС жұмыс беруші мен жұмыскерлер арасындағы ішкі коммуникациялар ережесіне сәйкес Бірінші басшының 2024 жылдың қорытынды есептік кездесуі өткенін хабарлаймыз.