«Үздік маман – 2024»

2024 жылдың «30» шілде күні «Ойл Транспорт Корпорейшэн» ЖШС-нің Маңғыстау техникалық көлік басқармасы (бұдан әрі – МТКБ) аумағында автокөлік жүзгізушілері арасында «Үздік маман - 2024» кәсіби шеберлік байқауы өтті. Байқауға 8 маман қатысып, бақтарын сынап көрді.

«Ойл Транспорт Корпорейшэн» Серіктестігінің бас директорының өндіріс жөніндегі орынбасары Сапар Ускенов жұмысшылардың кәсіби деңгейін арттыратын, өндіріс тиімділігін жоғарлататын, бір мақсатқа, ортақ мүддеге жұмылдыратын дәстүрлі үздіктердің үздігін анықтайтын бұл жарыста қатысушыларға сәттілік тіледі.

Қатысушылар сайыстың бекітілген бағдарламасымен танысып, медициналық тескерістен өтіп, сайыс ұйымдастырылып отырған аумақтағы тұлғаларға еңбекті қорғау, қауіпсіздік техникасы, жол қауіпсіздігі және өрт қауіпсіздігін сақтау бойынша нұсқама жүргізілді. 8 қызметкер екі кезең бойынша сынға түсті. Бірінші кезең тест арқылы қатысушылардың теориялық білімі тексеріледі, ал екінші кезеңде байқауға қатысушылар «ПАЗ» автобусымен практикалық тапсырмаларды орындады. Теориялық білімімен бақ сынасқан 8 қызметкердің ішінен 4 қызметкер іріктеліп келесі кезеңге жолдама алды. Жеребе тасталып, практикалық тәжірибе бойынша арнайы көлікпен тәжірибелік сайысқа түсті.

Конкурстық комиссия мүшелері практикалық тапсырмаларды орындау сапасы мен теориялық дайындығын бағалап, үздік көлік жүргізушісін анықтады.   Байқау нәтижесінде, қиын бөгеттерден сүрінбей өткен, жол-көлік ережесін, нормалары мен талаптардың орындалуын мұқият қадағалаған МТКБ №1 автотізбек жүргізушісі Досан Райсов І орынға ие болды. МТКБ №2 автотізбек жүргізушісі Асет Кулмаганбетов ІІ орынды қанжығасына байлады. ІІІ орынға МТКБ №2 автотізбек жүргізушісі Азамат Якупбаев ие болды.

22 наурыз 2022

Наурыз мейрамы құтты болсын!