Жақсылықтың жаршысы Жаңа 2021 жыл болсын!

Әлемде белең алған пандемияның жаһандық экономикаға, сондай-ақ еліміздің экономикасына теріс әсерін тигізгені белгілі. Қазіргі заманда коронавирус инфекциясының пандемиясы жаһандық қоғам үшін бұрын-соңды болмаған сын-тегеурінге айналды. Бұл туындаған эпидемия COVID-19, әрине, ХХ ғасырдың маңызды оқиғаларының бірі ретінде тарихқа енеді. Экономика саласынан басқа денсаулық сақтау, әлеуметтік саясат, өндірістік салаға және басқа да салаларға пандемия ауыр соққы болды. Жаппай құлдырауды тудырған бұл коронавирустан кейін еліміздің экономикасын жаңа соққы күтіп тұрды — мұнай бағасының құлдырауы. Пандемиямен шиелінесе түскен бұл мәселе қызмет көрсету саласы айтарлықтай құлдырауға себеп болды. Әрине, бұндай қиындықтар бізді өмірдің жаңаша талаптарына бейімделуге, сабырлық пен сақтық арқылы төтеп беруге үйретті.

Осындай қиын сынақтарға қарамастан «Ойл Транспорт Корпорейшэн» ЖШ серіктестігіміз тоқтаусыз жұмыс атқарып келуде. 2020 жылы жолаушылар ағыны төмендегеніне қарамастан, мекемеміз эпидемиялогиялық талаптарға сай тапсырыс беруші мекемелердің сұраныстарын толықтай атқарып, жолаушыларға қызмет көрсетуін тоқтатпады. Осындай қиын кезеңде, пандемияға қарамастан бірігіп жұмыс атқарған қызметкелердің еңбектерін бағалаймыз.

Еліміздің басшысы Қасым-Жомарт Тоқаевтің «Жаңа жағдайдағы Қазақстан: іс-қимыл кезеңі» атты халыққа Жолдауында қазіргі күрделі жағдайда алдымызда тұрған басты міндет – әлеуметтік-экономикалық тұрақтылықты, жұмыс орындарын және халықтың табысын сақтап қалу" деп атап өткендей, біздің алдымызда да дәл осындай мақсат тұр. Болашағымызға бағдар болатын мақсаттырымыз нық болса экономикалық мәселелерді де, пандемияны да толық жеңетінімізге сенімдімін.

Жыл соңын қорытындылай келе мекемеміздің барлық қызметкерлеріне 2020 жылы арқарған белсенділік пен адал еңбектері үшін алғыс айтамын. Біз барлық табысқа бір жұдырық боп жұмыла жұмыс істегеніміздің, жауапкершілігіміз бен мақсатқа жету жолындағы табан-дылы¬ғымыздың арқасында қол жеткіздік деп білемін. Алдағы 2021 жыл осы ұстанымымызды одан әрі нығайтып, жаңа жеңістер мен жаңа мүмкіндіктерге жол ашсын. Толассыз еңбектеріңіз әрдайым жемісті болғай!

Жаңа жылды келешекке батыл қадаммен бастау алып, жаңа үміт және бағытпен, жақсылық пен  армандарға ұлассын. Баға жетпейтін жалғыз ғана асыл дүние – денсаулығымыз әрқашанда мықты болсын. Дендеріміз ауру-сырқаудан аман, қайратты да жігерлі болып, жаңа жылды көтеріңкі көңіл күймен бастайық. Әрбір шаңырақта қуаныш, күлкі орнап, іші жылулыққа толы болсын! 

Ізгі ниетпен,
 «Ойл Транспорт Корпорейшэн» ЖШС бас директоры С.Ж.Кеулимжаев 

23 мая 2016

Іс-шаралар жоспары

Іс-шаралар жоспары