Ойл Транспорт Корпорейшэн

Главная Пресс-центр События и мероприятия

«Қазақстан Республикасының Тәуелсіздік күні» аясында Спартакиада өткізілді

Ағымдағы жылдың желтоқсан айының 4-8 күндері аралығында «Қазақстан Республикасының Тәуелсіздік күніне» орай «Ойл Транспорт Корпорейшэн» ЖШС-нің (бұдан әрі — «ОТК») ұйымдастыруымен және «БозашыТрансҚұрылыс» ЖШС (бұдан әрі — «БТҚ») мен «West Oil Software» ЖШС-ің (бұдан әрі — «WOS») қолдауымен ІІ-Спартакиада өткізілді. «Мұнайтелеком» ЖШС-гі ұйымдастырылған шараға ат салысып, қызықты жарыс өткізуге шағын футбол командасына шақырылды. Жыл сайынғы үрдіске айналған бұндай шараның мақсаты мекеме қызметкерлерінің арасында салауатты өмір салтын нығайту, қалың бұқараны спортқа тарту болып саналады. Бұл жарысқа 4 мекеме қызметкерлері қатысып, спорттың жеті түрінен, яғни шағын футбол, волейбол, шахмат, үстел теннисі, қол күресі, қазақша күрес, гір тасын көтеруден өзара бақ сынасты.

Бес күнге жоспарланған спорттық шараның алғашқы күнінде ашылу салтанаты өткізіліп, оған қатысқан мекеме басшылары мен «ОТК» ЖШС «Қызметкерлердің жергілікті кәсіподағының» ҚБ-ның төрағасы барлық команда мүшелеріне сәттілік пен жеңіс тіледі.

Ашылу салтанатынан кейін командалар шағын-футбол ойынын бастап кетті. Бірнеше кезеңдерге бөлінген бұл ойын 04-08 желтоқсан күндерінде жалғасын тапты. Жарыс қорытындысы бойынша жеңісті қанжығасына «БТҚ» ЖШС байлады. Жүлделі ІІ орынды «Мұнайтелеком» ЖШС жеңіп алса, ІІІ орынды «WOS» ЖШС-ің Жетібай технологиялық көлік басқармасының командасы иеленді.

06 желтоқсан күні үздік шахмат ойынының өрнегін көрсеткен қызметкерлер шапшаң қимыл мен ойлау қабілеттерінің ұшқыр екенін байқатты. Жүлделі І орынды «ОТК» ЖШС қызметкері Сабитаев Жамбыл иеленді. ІІ орынға «ОТК» ЖШС өндірістік-техникалық бөлімінің басшысы Арипов Нұртас. ие болды. ІІІ орын «WOS» ЖШС Казбеков М. бұйырды.

Спартакиада шеңберінде үшінші спорттың түрі – волейбол ойыны бойынша «West Oil Software» ЖШС Ақтау командасы «БТҚ» ЖШС командасын басып озып І орынды иеленді. «БТҚ» ЖШС ІІ орынға жайғасты. Ал ІІІ орынды «WOS» ЖШС ЖТКБ алды.

Желтоқсан айының 07 жұлдызы үстел теннисі бойынша жарыс өткізілді. Тартысты жарыстың жеңімпазы «БТҚ» ЖШС қызметкері Дюсенбаев Талғат атанса, ІІ орынды «ОТК» ЖШС-нің қызметкері қызметкері Нурбердиев Асан алды.

Үстел теннисі жарысынан кейін қазақша күресі жалғасын тапты. Табанды күрестің нәтижесінде бірінші орынды «БТК» ЖШС-ің қызметкері Кулекешов Мейрамбек қанжығасына байлады. «WOS» ЖШС Ақтау Кудабаев Жомарт екінші орынға ие болды. Үшінші орынды «WOS» ЖШС ЖТКБ Оразғали Әділбек иеленді.

Гир көтеру жарысы бойынша спортшылар арасында мықтылар атанғандар: Меңдіқұлов Алтай «БТҚ» ЖШС – І орын иегері, Құлекешов Мейрамбек «БТҚ» ЖШС – ІІ орын, Сарбаев Серік «ОТК» ЖШС – ІІІ орын иегері ептілік жарыстырды. Армрестлинг спорттық жекпе-жек түрінен алға озып шыққан «БТҚ» ЖШС-нен Құлекешов Мейрамбек бас жүлде иегері атанды. Ал, осы мекеменің екінші спортшысы Нұржауов Талғат екінші орынға жайғасты. «WOS» ЖШС ЖТКБ спортшысы Сердаров Коблан иеленді.

Барлық спорт түрінен жинақталған есеп бойынша жалпы командалар арасында да жеңімпаз анықталды. Осындай жүлденің жеңімпазы 2018 жылы «ОТК» ЖШС атанған болатын. Ал, ағымдағы жылда басымдылықпен алға шыққан «БТҚ» ЖШС командасы атанды.

Командалық спорт түрлері бойынша да үздік спортшыларда назардан тыс қалмай, бағалы жүлделермен марапатталды. Шағын футбол ойыны бойынша: үздік қорғаушы атанған – Калимкашев Бекбол, үздік шабуылшы - Нұрсұлтанов Руслан, Қызылкүл Әлібек – үздік қақпашы номинациясына ие болды. Волейбол ойыны бойынша 2 номинация иегерлері белгілі болды. Олар: үздік шабуылшы – Атадусов Казыбек, үздік қорғаушы – Дүйсембаев Мейрамбек.

«Ойл Транспорт Корпорейшэн» ЖШС ұйымдастыруымен өткен осынау жарыстар өзінің тартысты өтуімен есте қалды. Спартакиаданың жабылу салтанатында жоғарыда аталған жеңіске жеткен команда мүшелері бағалы жүлделермен марапатталды.